Che Ru Tujami (Poema)

Che Ru Tujami. Poema de Sabino Giménez Ortega (Aravo’i)

Aichejáranga che ru tujami nekane’õ’ÿva
Ejúna ko’ápe ko che renondépe torohechami
Péina aguereko che ñe’ã poty nemba’erãitéva
Ejapysaka ko che remiandu ndéve tajykýi

Mba’apópe oikógui umi nde jyva hajyguesembáma
Ha nde po pire iñanambusúva che ru tujami
Umi nde ati’y kuarahy rata ohapy asýva
Ága oikotevema arapytu’u che ru tujami

Ha upevarã péina nde ra’y akakuaapáma
Ága chehaitéma ajepytasóta che ru tujami
Tove taraha nde rapykuere ku techapyrãme
Chéveko hi’ãma agaite guivéma repytu’umi

Aguyje che ru, che ru tujami nekane’õ’ÿva,
Nde poyvi araháta ko che pyti’ápe tomimbirei
Tove kuarahy tohapy avei che pire ikyrÿiva
Rombotuichahávo ajepytasóne che ru tujami.

  Mi Gran Viejo (Letra y Musica)

Titulo: Che Ru Tujami (Poema)
Genero: Poema
Autor: Sabino Giménez Ortega (Aravo’i)
Especial: Dia del Padre en Paraguay
Compilado: Canciones para Papa